Special dedicated to borukku si Diva.
Jotjot ma sai didok ho inang naso diparrohahon amangmu ho, alai ra dang diboto ho boru, molo tung holan inongmi pe na sai manelepon ho na pinaingot jala sinuru ni amangmu do i boru.
Tikki haetehonmu boru holan dainang mi do na sai manjahahon suhutan tuho, alai diboto ho do inang mulak sian ulaon nang tung loja hian sai husukkun do tu inangmu boha baritam jala aha ulaonmu marsadarian.
Uju dakdanakho boru, amangmu do mangajari ho mamboan sepeda, dung boi ho inang paluaon ni amangmu ma roda gandeng ni sepeda mi.
Dungi didok inang mu ma, : “Unang jo amang, unang jo pittor bukka roda gandengna i”. Ala biar do inongmu madabu manang tarbalinsu ho inang.
Alai diboto ho do boru hasian?
Nda tung pasombuon ni amangmon sasadaho, dongananhu do ho manggohek sepeda mi jala huboto do na boi do ho boru.
Ditikki tumatangis ho mangido boneka barbie, asi ma roha ni dainangmi. Alai molo au amang mon ikkon dohohonku do :” ta tuhor pe inang alai dang dope anggo nuaeng”
Diboto ho do inang, hubaen pe songoni ala so lomo roha ni amang mon gabe jolma na manja ho na ikkon patupaon sude pangidoanna.
Ditikki ombun-ombunon ho boru jotjot di songonna gogo soarakku mandok tuho :
“Udah bapak bilang jangan main-main di hujan!”
Alai molo dainangmi sai diparrohahon jala dipodai doho sandok manat
Alai boto ma boru, ala lomos ni amangmon do atik dia-dia ho.
Ndung marsiajar magodang ho boru…
Mulai ma dipangido ho asa kaluar malam, alai gomos do dohononhu :”tidak boleh!”.
Huorai pe ho inang sasintongna alani lomos ni amangmon do asa manjaga ho. Ala arga do ho diau amangmon.
Dungi muruhanmu ma au, laos masuk ma ho tu kamarmu huhut meoteot jala manigor ditutuphon ho ma pintu sandok gogo. Alai ro ma inongmu manuktuk dijolo ni pintu jala elehonna ma ho dohot lambok. Boto ma boru, alani i gabe so tarpodom do simalolong ni amang mon holan mamikkiri i. Naing do nian huoloi rohami alai boru, sai gomos do di rohakku na ikkon ramotanhu do ho.
Dungi adong ma sahalak baoa na tong marsiajar magodang sai jotjot manaliponi ho jala sai ro tu jabunta.
Berengonmu ma bohi ni amangmon songonna rimas, jala sai manakko-nakko mamereng tu ruang tamu. Diboto ho do boru? Mangiburu do au amang mon, ala nga umsonang an ho rap ibana unang dilambung ni amangmon.
Dung huloas ho kaluar malam, jotjotma parmulakmu lewat sian jam naung tinontuhon. Dungi paimaonhu ma parmulakmu huhut sai lomos jala martangiang dibagas rohakku anggiat unang adong na masa tu ho.
Ro ma ho manuktuk pintu laos hubukka ma, so nanggo bongot tu jabu manigor muruhanku ma ho :”dari mana aja kamu, kok jam segini baru pulang?”. Alai dialusi ho ma :”dari rumah teman” huhut sai unduk jala tulus tu kamar. Tung lomos situtu do au inang.
...
(Bersambung ke Amangna tu Boruna 2)
*Diterjemahkan dari Blognya Masdin